لا تتساءل عالماضي للشاعرة فاديا محمد درغام

لاتتساءل عالماضي

 وعامل حالك زيد وعنتر

رزق الله أيام زمان 

شو بدي اتذكر

بذكر لما كنت تروح 

وترجع عالدرب وتتحير

قلبك جواتك بيدوب

وإنت عليي عم بتدور

لتلمحني بطرفة عين

وتكسب نظرة مش أكتر

ولما عن عينيك بغيب

تجن وتشتاق  وتتوتر

بتروح وقلبك مقهور

تضرب بالحيطان وتتهور

عاملي حالك سكران 

ومضيع عقلك يامعتر

 جايي تلعب عالمكشوف

تضلك للصبحية تسهر

جاييني وريشك منتوف

تعبان وبالي و مغبر

مابتقدر عالدار تفوت

وحايي تعمل حالك عنتر

بتذكر أيام الماضي 

مواويلك أحلى من السكر

أركض أفتح هالشباك

وعيني عالدرب تحوم

وعني لما تبعد يوم  

دمعي من عيوني يتقطر

ياريتك بدق الباب 

للصبحية بدنا نسهر

بنطر لما الصبح يطل

تاشوف عيونك يا أسمر

يلا يلا يامنظوم 

لاتعمل حالك مظلوم

يلا جيب المأذون 

تنحقق هالحلم ونفرح

بقلمي فاديا محمد درغام