لو كنت صحيح لسه حبيبي للشاعر ميشيل رزق الله
لو كنت صحيح لسه حبيبي
الشاعر: ميشيل رزق الله
لو كنت صحيح لسه حبيبي
إبعت لي البدر يونٍّسني
على بال م تجيني يا حبيبي
والفرحه معاك تيجي تبوسني
الغربه بلاش تلعب بينا
وتجرَّح أجمل ليالينا
الحب دا أجمل شيء فينا
وهايفضل دايما ينادينا
لو كنت صحيح لسه حبيبي
سلِّم على قلبي اللي اتمنى
يستنى العمر مع عيونك
يدِّيلك مفتاح الجنَّه
لو تصحى الدنيا على نورك
ونعيش انا وانت وأيامنا
علشان أحلامنا الورديه
والحب ينوَّر في كلامنا
ويكتَّر فينا الحنِّيه
لو كنت صحيح لسه حبيبي
ماتاخدش بعيد أحلام قلبي
وتسيبه ف شوقه وأحزانه
دا الفرح يهاجر من جانبي
ويهاجر م الحب زمانه
خد رمش العين وحنان إيدي
واسقيني وواعد مواعيدي
خد عيني وأحلى عناقيدي
وادِّيني هنايا ويوم عيدي
لو كنت صحيح لسه حبيبي
خلِّيني يا شوقي اللي باحبه
أتحدَّى بحبَّك أوهامي
وانا اغنِّي لقلبك ولحُبُّه
في ربيع أحلامي وأيَّامي
أتحدَّى الدنيا اللي تفرَّق
واتحدَّى البحر اللي يغرَّق
دا ما جمَّع غير الا ووفق
واحنا الاتنين راح نتوفق
لو كنت صحيح لسه حبيبي
تعليقات
إرسال تعليق