سنه مرت علينا للشاعر د.هشام فرغلي
سنه مرت علينا
أهي سنه عدت علينا بحلوها ومرها
شفنا فيها كتير من الفرح والأحزان
وسنه هلت علينا ربنا عالم بسرها
نتمنى فيها الخير للأهل والصحبه والخلان
وشمس الأمل تطلع وتحقق أمانينا
وضي القمر يدينا الأمان وينور ليالينا
ونحقق فيها كل اللي نتمناه
وينول الداعي لربه كل اللي يترجاه
وكل عليل من داءه ربنا يشفيه
وأي غريق في بحر الحزن ربنا ينجيه
والستر يغطي سمانا ونعيش كدا راضيين
ونرضى بلقمة عيش نغمسها في صحن الرضا طالما آمنين
رفعت إيدي للسما ودعيتلك يارب العالمين
من غير رضاك عنا ولو كنا ملوك نعيش في الدنيا مذلولين
** د.هشام فرغلي **
تعليقات
إرسال تعليق