زمن الطيبين للشاعر سيد المبروك
زمن الطيبين...
بقلم/سيد المبروك
كانت بيوت من طين
وقلوب من ذهب
ناس بالفطرة عايشين
حياتهم مشقه و تعب
طيبه و موده و وفا
لا لمصلحه و لا لسبب
قلوب بيضا و صافيه
راضيين باللى انكتب
زمن الأصايل راح
والضمير الحى انشطب
عاشوها حلوه و مره
عمر و عليهم اتحسب
فراشهم خيش و حصير
و وقودهم كان من حطب
لا بيجروا ورا مال
و لا عيشه مرتاحه و نسب
ربوا وكبروا اجيال
ف الأحترام و الأدب
فارس ف أرضه صامد
لا اتهز يوم ولا اترعب
و زوجه سند و اصيله
بال طويل وصدر رحب
وجيران أخوة و احبه
مفيش بينهم عتب
يا زمن الطيبين
كأس النفاق انسكب
يا شيوخنا يا أجدادنا
كلامكم مغنى و طرب
يا بركة راحت معاكم
زى طير هجرنا و هرب
شاعر القمر
سيد المبروك
تعليقات
إرسال تعليق