ياوطن موجوع للشاعر د.جرناس حوران ابوشاكر

.....ياوطن مو جوع.....

سألت العين علامه

تهل بعزيز الدموع

سألت القلب.غرامة

يلفظ آهاته موجوع

ردت العين بعبرة..

وتنهد القلب بحسرة...

تختصر كل هالموضوع.

علمت الوطن....نازف

أيقنت الوطن....دامي

أدركت الوطن....موجوع

عسى ياوطن جرحك بقلبي

جرح دامي..وجرح نازف

ألم يعتصر......الضلوع

لنسج من شراييني خيوط

وأصنع من ضلوعي أبر..

وأخيط كل جراحاتك..

 وقبل ماتلفظ ..الآه

أقلك أنا الموجوع..

ياوطن ..يانوحي ويابوحي..

أحبك أكثر من. ...روحي

تعلمته من بيّي

تورثته من جدي

تشبعته  من أمي

على صدرها رضعته رضوع....

لغني حبك عذب الألحان..

أشكي فيها كل الأشجان..

يغنيها الدوري هالشادي.

مابين السهل والوادي

وعلى التلة وكل الربوع..

لغنيه موال حزين

يلخص كل أوجاعي.

وأعلمها لكل راعي

تيعزفها على نايه

وهو يتنقل بغنماته..

مابين سهولك والينبوع....

ياوطن أنا الهايم ..

لأبعث حبك نسايم

مع الفراشات عطر يضوع

مع النحلة  من زهرة لزهرة تتنقل

تجني من ربوعك عسل.

فيه الشفا لكل موجوع.....

لأجعل من حبك كحل ...

نزهي فيه الأجفانا

ولأجعل من عشقك وسن....

على أهداب عيون سهرانه ...

بالغربة وتحسب ثواني لرجوع....

شحكيلك عن الغربة.....

شحكيلك عن أوضاعي...

أبد كل لغات هالكون..

ماتكفي وجع من أوجاعي.

بالغربة...شفنا الهوان والذلة....

وحنّا اللي عشنا العمر كله....

أعزاز والراس مرفوع...

تعاملنا مثل جرذان

من الغريب والأخوان....

وحنا اللي كنا الأصل

وأصل ...الأصل

ومانرضى أبد نكون فروع..

أداعب وألاعب صغيراني....

أخفف شويه من أحزاني...

وتسألني من هي أصغرهن.

يابا....شومعنى...لاجئ....

تتفتح كل أشجاني.....

وترددها على أسماعي...

أجاوبها من قلب موجوع...

ويسبق كلامي ..الدموع ...

لاجىء...يعني بلا أوطان...

لاجئ...يعني بلا أثمان...

لاجئ...يعني ذل وهوان

لاجئ...يعني بلاعنوان

ياوطن ...موجوع

ياوطن....موجوع

..جرناس حوران ابوشاكر....