بينا قصة للشاعرة أم صبا
ياما كانت بينا قصة
وكنا نشهد بي جمالا
هسه ضاعت واستحالت
لما رحت وقلت لا لا
والظروف بيناتنا حالت
لما انت مشيت بعدت
وكل حلوة عليك هانت
لا عتبت ولا سألت
والدموع من عيني سالت
كم رجيتك وقلت ترجع
الا عاد الفرقة طالت
ياخساره
ياخساره البينا عدى
مر زي مر السحابة
كأنو ما كان بينا قصة
ولا اكتوينا بنار عذابا
وين عهودك وين وعودك
وكل لحظات الصبابة
كيف تفوت من غير تعاتب
والمحبة تسدو بابا
ياحليل روعة غرامنا
وكل حلوة نقول حبابا
الا عاد قلبك تبدل
وساقنا لي دنيا الكآبة
ام صبا
تعليقات
إرسال تعليق