خادع وماكر للشاعر د.سيد محسن الموسوي
(( خادع وماكر ))
يالجاحد............ بعد شتريد
إعقل............وإستچن وهيد
شفتك صدفه يالماكر
شفتك آنه.............من إبعيد
تغر ابحسنك وتغوي
محتال.............وتريد أتصيد
رايد تغر يا مسكين
وضحيّه ايصير..صيد اجديد
يوّن مفجوع تاليته
هجر وسگم ......... بـالتأكيد
مثلي يصبح امعلعل
ويصفگ حيل.........ايـد بأيـد
للحين ويوّن گلبـي
أبوناتـه.................صبح غريد
إصبّر بيه....نتواسه
يذكرّني..........بالمِضه وإيعيد
اصيحن إنسه دگاته
بالذكرى..............عذابي ايزيد
لا تذكـر اسم جافي
ردي ومدغوش....ما هو ايفيد
بذات وخادع وماكر
حسافه....... ما دريته ايحيــد
تناسه اوفاي والعِشره
صف ويالشِمت.......... وايكيـد
ما همـّه العشگ چذاب
تاليته ...............يظل اوحيد
د. سيد محسن الموسوي
تعليقات
إرسال تعليق