زمن الوشاة للشاعر د.زهير العسكري

(زمن الوشاة)

چان الوكت للأعم طيــن السـكن بيتله 

لاچنَّه عـــامر بخت فطـره وتجد بيتله 

قرآنَه ، اشُــو هالزمن واحدنــا ما بيتله 

لا تلَّـه بــي للســتر لا نخـــــوه لا ملكله

وابيوته شبه القصر طابو اوسند ملكله

عـــاشرت منهم كثر لمَّـــا الجسد ملكله 

واكتبله بلچن يحس يوميه چم بيتله 

يـــلايم چـــم ملامـــــه لايمـــلنه 

وچثيــره انهــــــار خوَّه لايمـــلنه 

------------------

عساك اتشوف الي شفته 

وتضـوگ الـمر الاجـرعته 

يبيِّــــن حقــدك او شفته 

-------------------

أَشــوفنَّك ضعيــف الراي 

والك ميَّت وجه حچَّــاي

تضن يا صــاح تنفع هاي

------------------

ولا نفـعــــــــاه مكر بيـنه

نكر لَــنْ غِيـــــرَه جَازيـنه 

ولاچن وشيه مـــــاذيـنه 

-------------------

أَعـــوذن بالله مــن شـرَّه 

أَنـــــاني وعشــــرته مـرَّه 

يخرّب عــــــــــاود الكـرَّه 

-------------------

فخت، والچــــــــان أبداً لايمـــلنه 

گطع وصله ابسبب وشَّـــك عليَّـه

زهير العسكري