اريد احضنك للشاعر القيسي حسام

***** اريد احضنك *****

اريد احضنك حضنة عُمُرْ بثنين ايديّه 

وبوسَكْ بوسة مُحبْ مو بوسه عاديّه

وَشمّكْ ورد جوري وشَمّهَ بأثر شَمّه 

واعيد الشّمّه.. واحْلف الشمّه موليه

واشيلك بنص الگلب لايامي ذُخر.. 

ذهب زنادي.. 

حِجلْ وسوار.. 

محابس وبالاذن ترچيه

واشوفك بنومي حلم..

            حلم صيف بليله كمريه

اسولف لطيفك.. وأبتسم..

ولدربه.. اطش الورد.. 

ولشوفته اطشله ويهليه

افرح لشوفتك فرحت طفل بالعيد..

لابس حلو.. 

وطالع حلو.. 

فرحان.. وبجيبه عيديه

# القيسي حسام