يا وسفة للشاعر د.سيد محسن الموسوي
(( يا وسفه فگدت الحيل ))
اوّن امعلعل......ونـاحل
واهنّي....أذى امصـابـي
سگيم اتچّه عالحيطان
صعبه ....اتوصّـل لبابــي
أتراعش گمت ياحيف
فـاگد.....شدة اعـصابـي
ياوسفه فگدت الحيل
أهـّم.......ابلبسة اثيـابي
دهـري اوجـر وأگصه
حكمـه.....الثگّل اصوابي
زادي حنظل ابحلگي
وطعم العلگم....اشرابي
لا خِل الـنِشد عنـي
ولامن..نِشدوا اصحابي
تناسوا هالدهر دوّار
ياذي أبجوره....وايعابي
شترجـه بعـد منهم
أصفوا.....غربه بحسابي
عليهم دوم ما اعتب
شينفع....بالجِفه اعتابي
وحيد ابنوحي اتسلّه
وربي العارف ...اسبابي
ألهّم بالصبر مفجوع
واسود صِبح.....جلبابي
ما يوم اطلبت عونه
ابد....ما تـسمح آدابــي
من الله طلبت العون
اناجي بـوسط محرابي
أبداً ما فعلت الشين
بالزين.......انمله اكتابي
ما أخشه الأجل لو حان
امحظـّر چفنـي لإيـابــي
وملك الموت لو اگبل
أهـلـّي ..وبيـه تـرحـابي
يشفعلي نبي الرحمن
عـوني وسند بصعـابـي
د. سيد محسن الموسوي
تعليقات
إرسال تعليق