أوجاع للكاتبة دنيا ابراهيم
{أوجاع}
شويّة شويّة يا زمن،
إنت عايز إيه منّي؟
ده أنا رضيت بالهم،
والهمّ ساكن فيني.
لا سابني يوم أرتاح،
ولا حاول يبعد عني،
أوجاع فوق أوجاع،
والصدر ضاق من ضيقي.
القلب وقّف دقاته،
خلاص الهم بقى ملكه،
والعقل سكنه الحزن،
وانتهى الأمل فـ دربه.
شويّة شويّة عليّا يا زمن،
ده العمر عدى جراح، وتعب، وفراق،
أشكي لمين همي؟ والحبايب سابوني،
لدموعي وأحزاني، كلهم خذلوني.
سابوني للهمّ الدبّاح،
بسِكّينه باردة،
يقطّع إحساسي،
ومش مكتفي باللي راح.
يا ريتني نسمة هوا،
تجري بيها الرياح،
لبعيد... تبعدني عن الهمّ،
وتودّيني لحبايبي، اللي معاهم روحي.
شويّة شويّة يا زمن،
ده الهمّ تمكّن منّي خلاص...
بقلم وريشة//دنيا ابراهيم
تعليقات
إرسال تعليق