غابت أمي للشاعر د.سيد محسن الموسوي
(( غابت أمي ))
مفجوع آنه.......واذرف دمـعه
وحيد اصفيت
غابت أمي........الچانت شمعه
بشوگ أگصدها
اركض چنت.....أعليها واسعه
اوجر دهري
بعيني اشمصغر..هاي الوسعه
بس أحزان
اوياي الظلت..... ابچي وانعه
بدون امي
علگم زادي........ومُـر اتجرعّه
ظلتّي اشتنفع
ابهاي الدنيا.....التاذي البشعه
مِحرب دهري
قاسي بحكمه....وجاير شرعه
صبري شح
وگلبي اينوح....الونّه اتگطعه
اصرخ يُمه
بگبر اصفيتي.....ما من رجعه
اتمنيت أمي
تعود لصوبي..وحزني أتردعه
اتفرح گلبي
تمسح خدي....اتنشف الدمعه
د.سيد محسن الموسوي
تعليقات
إرسال تعليق