عودة للشاعرة أم صبا
*{عودة}*
انا إشتَهِيتَكْ وُشِلتَ كُلَّ اشوَاقِي جيتَك
أحكِي ليكَ عَنَ المسافة وُعَن عَذَاب طُوُل السَّفَر
لكن لقيتَك لهفة تَاهَت في الغِياب والشوق فَتَر
اشتهيتك ومَا قِدِرتَ انساهُو حبك وُقَلْبِي أضنَاهُو السَّهر
ياحلِيل ليَالِينَا الزَّمَان سَاعَةْ نَتُوُهْ نِتنَاجَى لي عِندَ السَّحَر
فِي بُوُح شَفِيف مَافِيهُو زيف
بَلْ زِيفة مِن نَفَسَ الدُّعَاش والشُّوُق مَطَر
نَازِل يَبِلْ رِيِقَ الأرِض فِي جُوُفِي يِرتَاحَ الزَّهَر
عِندَكْ خَبَر ؟!!
بي قَلْبِ دَايِب فِيكْ حَنِين
وقلبك عليهو كَمَا الحَجَر ؟!
ياغالي اتذكر أيَّام زَمَان
وَلَّا الزَّمَان وَلَّىَ وْعَبَر ؟!!
أيَّام زَمَان كَانَن حُنَان ،
سَابْحَات تِحِت ضَوَّ القَمَر
ياربِّي هَل مِن عُوًدَه هَلْ؟!!
وُهَلْ تَانِي يَجمَعنَا القَدَر ،، ؟!!!
ام صبا
تعليقات
إرسال تعليق