الصبر للشاعر د. سيد محسن الموسوي
(( يمحسن إلهَمْ بصبرك ))
أدِگ الصدر..........وألطم حِيل
وأظّل إنحّب........... نهار وليل
گلبـي امعلعـل وممرود
هيهات الفارگتني تعود
ما ينفع صبر ويـاي
مفجوع ........ومرمراني الويل
عليها إمهدل وإلطـم
اوّن بحِزني متحطم
وعيوني تظل تهمـل
ولا لحظه............تبطل السيل
سراب اصبحت احلامي
سگيم امنادم آلآمـي
آنه وحمد نتشابه
حمد مهموم ظل ينطر
نهاره ايروح.......ويعگبه الليل
ومضت ايام ثم اشهور
شهيگه آلآم ظل مقهور
ظن (غيده ) ترد وتعود
وتدوهن حمد.........رك الحيل
لا فـرح اليهدّي الروح
وما هادت ابـد وتنوح
(غيده) ابعدت ما ردت
ورّد فارغ......عالمحطه الريل
آنه وحمد نفس الحال
حقه أگليبي من إيلوب
فاگـد غاليه ومنكوب
الهمّ أظناه
رچيچ........وما يحمل الشيل
أحاچي ارويحتي بآهات
يمحسن إلهّم ابصبرك
وإدعي الراحم لـهمّك
بلچي الدهر يصفه وياك
يكف جوره.......ويبطل الكيل
د. سيد محسن الموسوي
*************
يمحسن ـ شاعر القصيدة
الريل ــ القطار
غيده ـ حبيبة حمد
تعليقات
إرسال تعليق