ملاذ الشوگ للشاعر د.زهير العسكري
(( ملاذ الشوگ ))
شمرت الروح يم ترفـات الخدود
وذبت ذوبت ندى بأحضان قداح
يالوجهچ ضوه وچـفچ دوا الروح
يا هنيالي بيــــــچ أم وجه وضاح
شلتچ حرز بين جفوني والعـــين
يالمخليه العمر ليـــــــــليه بافراح
قفلت باب الگلب بس الچ مفتوح
وعلى وجهچ رميت لگلبي مفتاح
احـبچ بالعـقل مــا يقبل الغيـــــــر
مثل جرف ونهر والمـــاي بيه لاح
تمنيت الوجــــــــوه بوجهچ تصير
يَالــــعطْرچ يــرد الــــروح اذا فاح
اريدچ ليَّــــه وحدي وموش للغير
يالتــــــــارس دليلي برسمچ الواح
تفيض الروح شوگ وتشهگ عليچ
واذا شفتچ احس هَــــم العمر راح
حضنچ دافــــي يشـبه لليلة العيد
وصرتيلي الهوه لريتني الصحـاح
زهير العسكري
تعليقات
إرسال تعليق