بكاء السماء للشاعرة أم صبا
بكت السماء
لمن طرت احساسي بيك
والغيم مستف بالشجون
في لحظة ساد فيها السكون
كان الكلام
معزوفة بي صوت الرعد
تعزف معاي أجمل لحون
والبرق نور للقلب
حين قام شلع جهر العيون
ونقط المطر
كانت يقين
يوم هيجت جواي
لحظات من جنون
وقالدت فيك احلام صباي
روعة لقاك ليلة خريف
وانا قلبي شايلك زي زمان
واحساسو ماغَشًَاه زيف
والجو عجيب
واحساس رهيب
شفت السحاب
عانق سحاب
ومن الفرح نزل الرذاذ
وعاودني احساسي الزمان
وكان خوفي من صوت الرعد
لما البرق ضوا المكان
وانا بيك اتدفيت يقين
واتبدل الخوف بالأمان
واديتني من حبك حنان
حسيته قدر احساسي بيك
وانك معاي
أقرب قريب
واشتقت ليك
واحتجت ليك
نتماهى في الغيم دون حجاب
ننزل مع نقط المطر
نروي النوى ، وعطش التراب ،
واهتف واقول : الله عليك ،
ويهتف معاي شوقي ويقول :-
عوداً حميداً مستطاب
وانداح معاك وانسى العذاب ،،
ام صبا
تعليقات
إرسال تعليق