ملح الكرامة للشاعر د.زهير العسكري
(( ملح الكرامه ))
يا هله بهــــالجاي لديـــار الكرامه
أبوجه يضحك نلاگيـــه وبتسامه
يا هله بضيـــف اليمر يمنه بسرور
بيتنه بجيــتك صبح عــــامر بنور
البخل ما يليـگ بيــــــنه ولا يدور
واليجينه بشوگ نرفع له العمـامه
هذا طبع اهل الجنـوب ومن زمان
الضيف عدنه هوه صاحب المچان
نفرش المهجه إلـــه بــحـب وأمان
وخبزة الموجوده من عدنه سلامه
لو يمر طـارش نحس جانه البشير
والرزق ينزل معــاه ضيفي الچبير
والبلاء إيهــــون ويغـــــــادر مرير
هاي قصة شـوگ ما فگدت مقامه
النبي وصـــانه والهـــادي انـه تاج
اليـچرم الخطـــــار يلگــاله ابتهاج
البيت جنه وينطـفي بـيـه اللجاج
واليعيــــل بضيــفه يتحمل ملامه
يا جمــــال الـلمه بالبيـــت الجواد
تمحي كل غبره ويفارجهه السواد
الكرم بيــــن العـرب حگ واعتقاد
من قديــم الدهر ثــابت بالشهامه
شــوفتك تســوالي اكــنوز الذهب
ومـا نمل صحبتك يا عالي النسب
أنتـه مــــــالك داري وبـلايه سبب
والبخيــل اليـــوم غرگــان بندامه
لا تســــد بابك إذا جـــاك العَجيـز
تظـفر وتجــــــازى من رب العَزيز
ظن سجـالي واضح وكلش وجيز
وخاتمه بأهل الكرم وهل الفخامه
يا هله بهــــالجاي لديـــار الكرامه
أبوجه يضحك نلاگيـــه وبتسامه
زهير العسكري
تعليقات
إرسال تعليق