غربة تية للشاعر د.زهير العسكري
(( غربة تيه ))
تِهت ودروبي تــاهت والمواجع هُول
والضـــــايع وسط روحه صدگ عاني
شلت خلگي بصبر عـــــــاند مسافات
القهر بوجـــــــاعه كله الصـار عنواني
سؤالي بلا ملامح ذكريــــــاته صياح
يهز صمتي صداهم حفره بـــــــآذاني
أحاچي الروح وتجــــــــاوبني بآهات
وشعلة جمر سكنت رمـش بجفــــاني
طايل هالدرب والگلب شـــــال هموم
وتـعلم صبر من مــــــــــــاضي بچّاني
آمن بالـفجر يطلع دحـر لليــــــــــــاس
ويوصلني الـوطن بيه حَفظَت اكياني
أدور عله الـذات الگــــــاهه حدر ارماد
جمره تعـاند الريــــــــح وضوه ازماني
مشي جدامي دبي وخطـواتي عثرات
بس روح الصبر مــــــا يوم تنســـــاني
من التيه انخلق دربي ابصفه النيــــات
مـــــا يشبه أحد والبيــــــه صـرت آني
ابن ذي قار والغراف أصلي وســـــاس
جنوبي ومــا نـِـبدل ابيــوم أوطـــاني
أنا ابن الناصريه الـما تـِـهزهه الــــريح
سـللْ تفـگه وكرام امضيــــف ربّــاني
زهير العسكري
تعليقات
إرسال تعليق