ضاع تعبي للشاعر د.سيد محسن الموسوي
(( ضاع تعبي ))
يا حيف...گضّيت العمر
ما شِفت فرحه بحياتي
ولا شفت راحه وسكون
يا وسفه جافوني الأهل
وحدي آنه ابلايّه عون
يا ذنب آني الجنيته
وجافت اعيالي وتخـون
آنه بحسابي إغلطت
حسبّت....تعب ويهـون
اركض..واضحّي براحتّي
للعيله أتمنه السعد
غايتي...احفظها واصون
تاليها بأحزان اصبحت
انهدم كل البنيته
كل شي راح وتعبي ضاع
اولادي بأموالي اطمعوا
وياهم الزوجه المصون
بالمكر غشّوني..اخسرت
بحوزتهم اموالي تكون
عافوني وبغفله ابعدوا
للباري اشكي امصيبتي
يا رحيم....انت الحنون
د. سيد محسن الموسوي
تعليقات
إرسال تعليق